Наставниците-учесници проследија и споделија повеќе различни искуства од наставната пракса и се запознаа со техниките и можностите на ФЛИП-КАМЕРАТА која ја добија од УСАИД и со која во иднина ќе можат да ги снимаaт часовите. Целта на семинарот е овие наставници да можат да ги забележат и документираат добрите училишни часови, и истите, преку успешно сработени видео-клипови, да ги постават на Интернет (SCHOOL VIDEO.MK , TEACHER TV, YOUTUBE…) за да бидат достапни и за други колеги – наставници кои ќе можат “во живо” ја проследат работната атмосфера од одбраните часови и да ги споделат и подобрат своите методи за поуспешна реализација на часовите. На овој начин, и родителите ќе можат да се запознаат посликовито со училишното секојдневие и ќе имаат можност да стекнат посоодветна и поавтентична перцепција за часовите на своите деца.
На семинарот со кој раководеа проф.Цветанка Ристеска и нејзиниот асистент Благоја Ристески, учесниците –наставници научија како со помош на програмската техника Pozera и Movie Maker да конвертираат, да монтираат и да финализираат еден успешен видео-клип со должина од 5 до 10 минути , во кој ќе се види најдоброто од најдобрите училишни часови. Заедно со скромната Флип Камера, идните менаџери – сниматели добија и соодветни Прирачници за работа, со можност своите знаења да ги дисеминираат и пред своите колеги од охридските основни училишта.
Семинарот, како што информираат учесниците, завршил со благодарност до презентерите и обучувачите , но и со повеќе забелешки до УСАИД за организациони пропусти за што било усно и писмено реагирано.
