Во вторник во клубот на пензионерите во Охрид, директорката на ФЗОМ, Маја Паранарџиева-Змејкова, ќе одржи работилница наменета за едукација на пензионерите, во однос на нивните права од здравствено осигурување, како и запознавањето со определени здравствени програми кои ги финансира ФЗОМ.
Овие едукативни работилници имаат за цел да го зголемат нивото на информираност на пензионерите за правата од здравствено осигурување, како и за превенција на нивното здравје за трите најчести незаразни заболувања (кардиолошки, нефролошки заболувања и дијабетес).
Инаку, едукативните работилници, Фондот ги организира во соработка со Сојузот на здруженија на пензионери и со Црвениот крст на Македонија.
OhridNews
