По иницијатива на Секторот за внатрешни работи Охрид, денес беше организирана акција за доброволно дарување крв на полициските службеници,која се спроведува во рамки на традиционалната соработка што СВР Охрид ја има со Медицинскиот центар и Црвениот крст од Охрид.
Крводарителската акција се одвиваше во службените простории на СВР Охрид, а во неа учествуваа повеќе полициски и други службеници вработени во секторот.
– На овој начин и припадниците на полицијата даваат активен придонес во промоција на крводарителството како хумана човечка вредност што живот значи, како и форма за поголемо приближување на полициската организација кон граѓаните, истакнуваат од СВР.
Инаку, во минатомесечната крводарителска акција, организирана во охридската полиција, беа собрани околу 30-тина крвни единици.
OhridNews
