Охридските претставници од Секторот за туризам и локален економски развој задоволни од учеството и претставувањето на туристичките потенцијали на Охрид на Саемот за туризам во Истанбул, ЕМИТ 2013.Како што информираат од локалната самоуправа, на саемот остварени се значајни средби и разговори со цел зголемување на бројот на гости од Турција и останатите земји во Охрид.
Претставникот на Општина Охрид, Илкер Мустафа од Секторот за ТЛЕР, имал и подолго интервју за специјализираниот туристички магазин ХОЛИДЕЈ ( кој се печати и на англиски, руски и германски јазик),сопственост на една од најголемите турски продукциски компании – АШКИН КОЧ, во чија сопственост е и ТВ куќата ХОЛИДЕЈ ИН. Се очекува во најскоро време претставници на Ашкин Коч да го посетат Охрид и да направат репортажа за нашите туристички потенцијали и компаративни предности.
Со над 200 илјади посетители од 70 земји од светот и над 4500 излагачи, Истанбулскиот саем претставува една од најголемите манифестации од ваков вид во светот.
OhridNews
