Членовите на советот на општина Охрид Дејан Блажески од опозцијата и Коста Трифуниски од владејачкото мнозинство, во вторник ќе отпатуваат за Пекинг, Народна Република Кина, каде ќе учествуваат на семинар, односно обука за управување со јавните сервиси.
Во рамки на работната посета на Кина, советниците Блажески и Трифуноски, секојдневно ќе посетуваат различни јавни претпријатија и ќе се запознаваат со начинот на нивното функционирање, а предвидена е посета и на еден развиен индустриски центар.
Блажески и Трифуноски деновиве ги завршиле неопходните формалности околу добивање на потребните документи за патувањето, и имале интервју со економското аташе во амбасадара на НР Кина во Македонија, која ги покрива трошоците за посетата на охридските советници на една од најголемите светски економии.
OhridNews
