„Soho Jazz Club“ ( Pizza Express Live) е место каде што настапувале некои од најголемите светски џез и соул ѕвезди како Norah Jones, Jamie Cullum, Diana Krall, Brad Mehldau, Amy Winehouse, Acoustic Alchemy и многу други.
Четкар е првиот Македонец кој ќе настапи во „Soho Jazz Club“ каде ќе се претстави со авторска музика и ќе ја промовира модерната македонска музика.
Четкар е единствениот наш уметник кој наспатувал во најпрестижните американски и европски џез клубови и сали како Blue Note (Њујорк), Blues Alley (Вашингтон), Soho Jazz Club (Лондон), Iridium ( Њујорк), Regattabar ( Бостон), Brooklyn Academy of Music ( Њујорк), Budapest Jazz Club (Будимпешта) и т.н. притоа промовирајќи ја Македонија на највисоко можно ниво како еден од најкомплетните наши музички уметници (композитор, аранжер/оркестратор, гитарист, вокалист и продуцент).
Во 2001 година Четкар дипломираше на Беркли колеџот за музика во Бостон каде специјализираше оркестрација, аранжирање, продукција и џез гитара. Некои од неговите позначајни соработки ги вклучуваат светски познатите Џестофанк, Димитри Фром Париз, Том Моултон, Ди Си Лару а покрај феноменалните рецензии низ најпрестижните светски медиуми за џез, соул и фанк неговата музика го привлекува вниманието и комплиментите на музичките легенди како George Benson, Leon Ware, Omar Lye Fook, Simon Hale (оркестратор на бендот Jamiroquai), Bob Este ( Композитор оркестратор на Barbra Streisand, Cher) и т.н.