Од Меѓуопштинскиот центар за социјални работи Охрид со апел до граѓаните кои до сега не го искористиле правото да ги обноват барањата за остварување на социјална парична помош, тоа да го направат што поскоро.
– Да ги потсетиме граѓаните дека со измените на законските прописи постапката за поднесување на барања сега е многу поедноставена. Поднесителите на барањата потребно е да достават единствено лична карта, додека пак останатата потребна документација се обезбедува електронски меѓу институциите, а врз основа на потпишаниот меморандум за соработка меѓу Агенцијата за вработување, Фондот за пензиско и инвалидско осигурување и Министерството за труд и социјална политика, вели директорот на центарот Екрем Каљоши.
Рокот за поднесување на барањата е до 30 ноември. Досега до охридскиот Центар за социјални грижи поднесени се 350 апликации.
Право на користење парична социјална помош имаат лицата кои не остваруваат приходи и не се работно ангажирани.
OhridNews
