Според Министерството за информатичко општество и администрација, уредите се поставуваат по барање на граѓаните. „Уредот кој ќе работи на тач-сензор, ќе има звучен сигнал, лед диода и сим картичка, со што ќе се овозможи секое гласање веднаш да стигне до администраторот. Уредите се надоградени со батерија, со што се овозможува да работат и кога нема електрична енергија“ – изјави ресорниот министер Иво Ивановски.
Новост е и тоа што граѓаните ќе можат да гласаат и на веб порталот во склоп на министерството. „При гласањето преку веб порталот, граѓаните ќе може да внесат архивски број на предметот, одделение и институција, а тоа ќе овозможи да се даде оцена на целиот тим, а не само на административното лице кое работи на шалтерот“ – додава Ивановски.
Вакви уреди се инсталирани во Агенцијата за вработување, во Фондот за здравствено осигурување и Агенцијата за катастар и недвижности во единиците во Битола, Охрид и Штип. 16 уреди се поставени на шалтерите од Централниот Регистар, во Министерството за транспорт и врски, како и во Клиничката болница “Д-р Трифун Пановски” во Битола.
