Слаба посетеност на натпреварите од куп завршницата во првите два дена од натпреварувањето. Охриѓани како да заборавија каде се наоѓа спортската арена “Билјанини Извори“ која пак требаше да биде собиралиште на љубителите на кошарката. Т.Н Охридски саем на кошарка поминува во тивка атмосфера, речиси и како да не се одржува. Бројката на вљубеници во кошарката за момент се помрдна кога играа охридските преставници Амак СП и Билјана, додека пак на остатнатите натпревари ретко кој и да имаше да им аплаудира на кошаракарите за нивните потези.
Играњето на мечевите во работни денови придонесе да падне посетеноста во салата, интересот за кошарка се намали и поради поклопувањето на терминот со натпреварите во фудбалската Лига на шампиони , но данок зеде и изборната кампања. Така дел од граѓаните “мора“ да одат по минитинзи и да ги слушаат своите кандидати додека пак останатите одат на средбите на кандидатите за градоначлник да видат и чујат кој што ќе им понуди во пресрет на мартовските избори.
Дополнително прашање е и квалитетот на натпреварите. Колку вреди еден трунир да трае четири дена, во услови кога лигата е слаба и од напред се знае кој кого ќе победи, а неизвесно е само со колку разлика.
М.Постоловски
