Младиот охриѓанец Дамјан Николоски со својата иновативна идеја FixIt MK е избран меѓу Топ 53 најдобри во Македонија на националниот натпревар „Средношколец милионер“, кој го организираат Brainster Next Collegeи NU академиите за талентирани средношколци, во која главна награда се 1.000.000 денари.
Од вкупно 438 поднесени бизнис идеи од целата земја, Дамјан успеа да се издвои со својата оригиналност, практичност и претприемачки дух. На патот до 1.000.000 денари потребна му е поддршка за да биде чекор поблиску до освојување на главната награда и остварување на својата идеја.
„FixIt MK“ – идејата на Дамјан има за цел да решава реални проблеми и истата е практична, современа и создадена да го направи секојдневниот живот поедноставен. Идејата може да се погледне и да се гласа за неа се до 16 ноември на линкот.
Само оние идеи кои имаат најголем број на гласови продолжуваат понатаму во полуфиналето.
„FixIt MK“ е замислена како дигитална платформа која им помага на граѓаните полесно да најдат мајстор, сервис или техничка поддршка кога нешто ќе се расипе во домот.
OhridNews
