Согласно усвоените измени на Законот за ветеринарна дејност усвоени на последната владина седница, сите ветеринарни станици во Македонија ќе добијат овластување за вршење дејност од јавен интерес. Со тоа, ќе имаат право на државна поддршка вредна вкупно 3,5 милиони евра, со што се очекува дека ќе се разбие досегашниот монопол и ќе се намалат цените на услугите.
Со измените се укинува и рокот на секои пет години да се добиваат овластувањата. Ветеринарната амбуланта ќе стекнува таква можност веднаш, од моментот на нејзиното основање, објасни на денешната прес- конференција портпаролот на владата на РМ, Александар Ѓорѓиев.
Се олеснува и излезот и влезот на домашните миленичиња.
– Досега милениче можеше да се изнесе или внесе во државата само на девет од 18 гранични премини и тоа во присуство на ветеринар. Сега на сите 19 ќе биде oвозможeно, затоа што проверката ќе ја вршат и цариниците обучени за проверка на документите, пасоши за животни и уверение за здравствена состојба, истакна Ѓорѓиев.
OhridNews
