Обединетата Македонска Дијаспора (ОМД) категорично го отфрла предлогот да се промени Уставот и да се наметне ново име на Македонија. Според ОМД, четвртиот Илинден ќе се случи кога Македонија ќе се повлече од преговорите за македонското име и идентитет под покровителство на Обединетите нации.
“Македонија треба веднаш да се повлече од привремената спогодба на ОН, која Грција ја прекрши во 2008 за време на НАТО самитот во Букурешт, делувајќи несоседски, и време е да се стават во мирување аспирациите кон ЕУ и НАТО додека овие организации повторно не си ги применат своите вредности и да не признаат нас како Македонци без додавки, придавки, или ѕвездички,”Време е нашиот сосед да им се приклучи на сите други држави во 21виот век и да ја прифати реалноста дека сме Македонци.” – велат од ОМД.
Од ОМД истакнуваат дека збунува зошто македонската власт и опозиција не можат да се помират со фактот дека таканаречениот и грчки измислен “спор за името” никогаш не бил за името, туку е за идентитетот на македонскиот народ и најави дека ќе направи се да се оневозможи каква било промена на името.
OhridNews
