Охридскиоте Еѓипкани сметаат дека потпишувањето на Охридскиот Рамковен договор не вродил со позитивни ефекти за оваа етничка заедница.
– После 11 години, изминати од потпишувањето на Охридскиот Рамковен Договор, за жал, можеме да констатираме дека истиот не даде никакви интегрирачки елементи за етничката заедница на Еѓипканите во Република Македонија. Можам да констатирам, дека ниту еден Еѓипканец , не е врабатан во институциите на системот, како деклариран Еѓипканец. Има неколку вработени Еѓипкани, согласно Охридскиот Рамковен Договор, но кои претходно се произнеле како Албанци или како Роми, вели Демир Далип, предводник на движењето ОПЕМ.
Како што потенцираат од ОПЕМ, треба да се „прошират“ рамките на Охридскиот Рамковен договор, бидејки на ова ниво, Еѓипканите како посебен , автентичен и автохтон етникум не можат да бидат задоволни.
Оттаму, додаваат дека за овие ставови бил запознаен и Претседателот на државата, Ѓорѓе Иванов и Владата на РМ.
– Не ни преостанува ништо друго, освен да се надеваме дека ќе се преземат соодветни ефективни мерки, за целосна интеграција на членовите на етничката заедница на Еѓипканите, во институциите на системот, со што и ние, ќе се чуствуваме како дел од заедничката татковина Република Македонија, истакнува Далип.
