Потрошувачите мора да се интересираат и да ги знаат своите права и обврски. Тоа во современиот начин на живеење не е тешко, земајќи го во предвид фактот дека информациите на интернет се постојано достапни, истакна на денес одржаната трибина „Ние потрошувачите имаме право да знаеме! Запознајте ги своите права! ‘‘, претседателка на Организацијата за заштита на потрошувачите на Македонија Маријана Лончар Велкова.
– Сметаме дека е потребно не само потрошувачите, туку и бизнис субјектите, туристичките агенции, оператори и банки бидат запознаени со нивните права и обврски сето тоа во насока на почитување на правилата во стопанисувањето, почитување на правилата на потрошувачите и создавање на подобра конкурентска клима, рече Велкова.
Трибината која се одржа во организација на Организацијата за заштита на потрошувачите на Македонија, е дел од кампањата која се спроведува низ повеќе градови наземјата , со цел да изврши промоција на брошурите: Потрошувачите и нивните права при организирани туристички патувања, Кои се правата на потрошувачите во договорите за потрошувачки кредити и Нечесна пазарна пракса и како да ја препознаеме.
