„Од денес, со овој наш настан, целокупната македонска опозиција е заедно – во ист фронт, под едно знаме, со заедничка цел – битка за иднината на Македонија“. Ова го истакна лидерот на најголемата опозициска партија СДДСМ, Бранко Црвенковски по повод проширувањето на Опозициски фронт, при што беше потпишана декларација за соработка со вонапрламентарните партии ЛДП, ВМРО-Народна партија, Достоинство и Обединети за Македонија.
„Многумина се сомневаа дека вакво нешто е можно. Во нормална парламентарна демократија веројатно и не би било потребно. Но, за жал Македонија во овие шест години не е ниту нормална, ниту демократска држава. Токму тој факт и потребата тоа да се смени го направија невозможното и возможно и неопходно”, рече Црвенковски кој истакна дека не било спорно дека станува збро за партии со различни идеологии кои „ за одредени прашања сме имале и сé уште имаме различни ставови и различни позиции”, но дека решиле да се здружат поради „предизвикот со кој денес се соочува Република Македонија е поголем од сите наши меѓусебни разлики”.
Критукувајќи ги активностите на актуелнат авлада на ВМРО-ДПНЕ и ДУИ во секоја општествена област, Црвенковски нагалси дека здрружувањето на овие партии претставува услов за пресврт, за нов почеток, шанса за отворање на нови перспективи. Тоа е причината за создавање на овој наш „Сојуз за иднината”, рече Црвенковски, повикувајќи ги сите невладини организации, здруженија на граѓани, сите поединци, сите оние коишто сакаат да дадат свој придонес и да и се придружат на опозицијата.
извор:„Макфакс“
