Советот на Општина Дебрца на 28-та седница го донесе буџетот за 2024 година и годишните развојни програми на Општината за наредната година.
На изготвувањето на буџетот претходеше постапка во која граѓаните, месните заедници, здруженијата на граѓани и други заинтересирани страни можеа да дадат свои предлози во насока на негово креирање.
Вкупниот буџет на Општина Дебрца за 2024 година е проектиран на ниво од 173 милиони денари од кој 72 милиони денари се предвидени средства за реализација на капитални и развојни проекти.
Основната цел на буџетот, како што појаснуваат од Општината, е да се намалат непродуктивните трошоци и да се обезбеди простор за реализација на повеќе проекти кои се во насока на зајакнување на социјалната кохезија меѓу граѓаните и зголемување на квалитетот на живот во општината.
Во буџетот за 2024 година предвидена е реализација на капитални инфраструктурни проекти, проекти од областа на образованието, културата, социјалата, спортот, животната средина, руралниот туризам и други.
OhridNews
