Откако oпштинската ВМРО – Народна партија ја повика локалната самоуправа под итно да преземе мерки за средување на состојбата во градинките, со реакција се огласија од општина Охрид.
Како што велат од локалната самоуправа, средувањето на состојбата во детската градинка е еден од првите ангажмани на новиот градоначалникот Никола Бакрачески.
„Поточно, за состојбата е запознат и пред да стапи на сегашната функција, кога родителите и дел од персоналот реагираше на лошата состојба во детската градинка. Градоначалникот Бакрачески веќе оствари средба со првите луѓе од Министерството за труд и социјална политика, со кои е разговарано за долгорочно решавање на проблемот со вработување на стручен кадар и задоволување на потребите за нормално функционирање на оваа институција.“ – стои во реакцијата на општина Охрид.
Оттаму велат дека лицемерно е повикувањето на ВМРО-Народна Партија за надминување на наталожените проблеми во детската градинка.
„Тие имаа 8 години можност како коалициони партнери на минатата локална власт да ги решат проблемите и во детската градинка и во другите институции кои се под ингеренции на општина Охрид.“ – велат од локалната самоуправа.
OhridNews
