Општина Охрид, на иницијатива на градоначалникот Никола Бакрачески, ќе формира Локален Економски Совет, односно “Совет на градски татковци“.
Во ова советодавно тело ќе членуваат над дваесеттина еминентни охриѓани од областа на бизнисот, културата, образованието и други општествени дејности, а меѓу членовите ќе биде и министерот за привлекување странски инвестиции, Бил Павлески, кој по потекло е од охридскиот крај.
“Совет на градски татковци“ официјално ќе биде промовиран утре.
Локалниот Економски Совет ќе работи пленарно и ќе се состанува барем еднаш во месецот. Ќе се разгледуваат конкретни предлози и проекти за економскиот развој на Општина Охрид, информираат од Локалната самоуправа.
OhridNews
