Службеното патување на градоначалникот Александар Петрески во Австралија е планирано уште од минатата година, а се остварува на покана на градоначалникот на Општина Рокдејл од Сиднеј, Бил Серавиновски, на покана на градоначалникот на Квинсбејн од Канбера, Тим Оверал и Охридското социјално друштво “Свети Наум Охридски“ од Мелбурн.-соопштуваат од Општина Охрид, по повод јавните прозивки на дел од политичките партии дека, посетата била организирана за одмор и прошетка на делегацијата од Охрид.
Тие објаснуваат дека за време на посетата, покрај официјалните средби со градоначалниците на двата града, градоначалникот ќе оствари средба со раководството на збратимениот град Волонгот и со управата на Универзитетот од Волонгог, со кој фактултетот за Туризам и угостителство во Охрид има потпишано договор за соработка. Во агендата е предвидена и средба со пратениците од парламентот на Нов Јужен Велс, а во текот на целиот престој предвидени се повеќе средби со македонските бизнисмени и претставуање на потенцијалите на Охрид за инвестирање. Се очекува за целите на посетата градоначалникот Петрески да гостува на неколку австралиски медиуми и да даде интервју за медиумите на нашите иселеници кои емитуваат на македонски јазик.
OhridNews
