Општина Охрид потписник на на европската повелба на младинско информирање

Коалицијата на младински организации СЕГА, деновиве, организираше семинар на тема “Новите предизвици на младинското информирање. Целта на овој настан беше да се споделат искуствата за развојот на Младинските Информативни и Советодавни Центри во Европа, и нивната улога во имплементирањето на младинските политики. Во рамките на семинарот, претставниците на општините од Република Македонија, меѓу кои и Општина Охрид, ја потпишаа Европската повелба на младинското информирање, донесена во Братислава, Република Словачка на 19 ноември 2004 година од страна на 15-тото Генерално собрание на Европската агенција за младинско информирање и советување.

На настанот учествуваа претставници на повеќе локални самоуправи и совети на општини од Македонија, гости од Долна Нормандија, Босна и Херцеговина и претставник на Европската Агенција за младинско информирање и советување – ERYICA.

Оваа активност е дел од Акцијата Млади, образование локално и Европско граѓанство во рамките на Проектот за децентрализирана соработка помеѓу Република Македонија и Регионот Долна Нормандија од Франција, раководен од Асоцијацијата на агенции за локална демократија (АЛДА), имплементирана од страна на Коалиција на младински организации СЕГА – Македонија и Европска Куќа од Франција.