Од Општина Охрид во врска со забелешките на жителите од новите станбени згради на ул. „Карпош Војвода“ за неуреденоста на пристапот до нивните домови, каде по обилните врнежи со денови стои насобрана вода, објаснуваат дека локалната самоуправа согласно нејзините законски обврски и ингеренции, ги извршила сите комунални услуги, односно ја изградила потребната инфраструктура. 

Оттаму појаснуваат дека согласно изводите од Катастарот, земјиштето на кое се изградени објектите, како и дворните места и пристапните патеки се сопственост на инвеститорот на зградата и обврската да го уреди тој простор е исклучиво негова.

Општина: Во изводот од Катастар стои дека пристапот до станбените згради 
на ул. „Карпош Војвода“ е сопственост на инвеститорот
Од Локалната самоуправа велат дека имаат разбирање за проблемите со кои се соочуваат жителите од станбените згради на ул. „Карпош Војвода“, но ги упатуваат забелешките наместо до општината, тие треба да ги испратат до инвеститорот, бидејќи не го уредил пристапот до изградените објекти.
OhridNews