Советничката група на ВМРО- ДПМНЕ , денеска со јавно соопштение побара- на закажаната седница на Советот да не се расправа за точките кои се поврзани со такавиканиот процес на легализација на бесправно изградените објекти. Ваквиот став ги збуни граѓаните- како за кратко време советничката група на ВМРО- ДПМНЕ ги менува ставовите, стои во реакцијата од кабинетот на градоначалникот во врска со соопштението на советничката група на ВМРО- ДПМНЕ околу дневниот ред од 60- та седница на советот закажана во петок.
– Да постетиме дека на претходната седница , на која се расправаше за точки поврзани со легализацијата , координаторот на советничката група на ВМРО- ДПМНЕ, Дејан Паноски рече: „За да можеме да овозможиме единствен и еднаков пристап на сите подносители на барања, ќе гласаме „ЗА“ за секоја предлог- одлука поврзана со легализацијата„ . По ваквиот јавно изречен став , советниците ги изгласаа сите предлози , па затоа прашуваме која е вистинската позадина за ваквото целосно и нагло менување на партиските ставови, се наведува во реакцијата.
Од кабинетот на градоначалникот потенцираат дека ваквите ситнопартиски игри им нанесуваат штета на илјадници граѓани , за што потоа се обвинува градоначалникот и Советот на општина Охрид.
OhridNews
