Струшката локална самоуправа апелира до жителите на општината и туристите да не ги користат услугите на нелегалните такси превозници, кои превезуваат патници низ градските улици и до струшките села.
-Поради ваша безбедност и за безбедноста на вашите деца за време на превозот и патувањето со такси, ве молиме да ги користите авто-такси возилата кои го носат логото на општината и траката со црно-жолти коцки. Ве молиме, да вимавате бидејќи во сообраќајот се вклучуваат таксисти кои работат на црно и спротивно на законот. Овие возила може да бидат технички неисправни и да го загрозат вашиот живот. Возачите на овие возила може да бидат насилни, во алкохолизирана состојба или психофизички неспсобни за вршење на оваа работа, стои во апелот на Одделение за инспекциски надзор во патниот сообраќај при Општина Струга.
Во него се напоменува дека сите неправилности во такси превозот, граѓаните можат да ги пријават на телефонскиот број 192 или во инспекторатот на општината.
OhridNews
