Општина Охрид деновиве на својата официјална страна објави извештај од извршен увид на овлстен градежен инспектор во врска со поплака од локалното население за вршење незаконска градба во с. Трпејца. На ваков чекор општината се решила затоа што пријавителите на случајот не оставиле контакт адреса.
„До Градоначалникот на Општина Охрид и до инспекцискиот надзор пристигна пријава од група на граѓани за против правно изграден објект во село Трпејца, Охрид. Бидејќи групата на граѓани во својата пријава не доставиле било каков контакт каде што би ги известиле приморани сме јавно да соопштиме дека инспекцискиот надзор излезе на терен и ја заврши својата работа. Во прилог ви ги доставуваме решението и заклучокот по оваа пријава.“-се вели во информацијата на Локалната самоуправа објавена на официјалната веб страна на општината.
