Компанијата „Скопски легури мајнинг“ стана концесионер на рудникот за манган Стогово, кој се наоѓа недалеку од Кичево. Сопственикот на фирмата Денис Корнијенко вчера во Министерството за економија потпиша договор за експлоатација на манган, што треба да има значење и за самата компанијата, а и за локалната и националната економија, пренесува „Дневник“.
Како што пишува овој дневен весник, од понудените 424.000 евра и средствата што ќе се плаќаат врз основа на концесиски надоместок, 78 отсто ќе бидат приход на општините Кичево, Дебар, Струга и Дебарца, а 22 отсто ќе одат во државниот буџет.
Инаку, на локалитетот Стогово утврдени се околу 15 милиони тони рудни резерви со просечна содржина на манган од 24,4 проценти.
OhridNews
