Кривичниот совет на Основниот суд Скопје 1 донесе ослободителна пресуда за поранешниот директор на Фондот за здравствено осигурување, Ѓорѓи Тренковски и за управителката на ПЗУ „Градска аптека, Весна Огненовска кои беа овинети за несовесно работење и злоупотреба на службената положба.

Тие беа обвинети дека во 2007 година  несовесно работеле и ја злоупотребиле службената положба и дека двојно плаќале едни исти лекови.

Според одбраната, вештачењето на доказите во присуство на одбраната покажало дека обвинетите се невини.

Пресудата доаѓа три години откако Тренковски и Огненовска беа обвинети дека за проневера од речиси половина милион евра. Во притвор минаа околу 15-ина дена.

OhridNews
извор:„Макфакс“