Глориа Петреска, ученичка во VIII одделение во ОУ „Братство Единство“ ја освои првата награда на општинскиот натпревар „Млади библиотекари 2013“ и ќе го представува Охрид на Републичкиот натпревар кој на 25 октомври ќе се одржи во Неготино .

На Општинскиот натпревар  „Млади библиотекари 2013“, што традиционално го организира охридската библиотека, годинава учествуваа 19 ученици од 9 основни училишта во градов: „Ванчо Николески“-Лескоец, „Григор Прличев“, „Живко Чинго“-Велгошти, „Христо Узунов“ , „Кочо Рацин“-Долно Лакочереј, „Св.Климент Охридски“,  „Кочо Рацин“ , „Братство Единство“ , „Св.Наум Охридски“ – Пештани.

Прашалникот беше составен од 20 прашања, а учениците  одговараа во времетраење од 60 минути. Прашањата беа составувани според прирачникот „Млади библиотекари“ од Миле Бошески.

OhridNews