Надлежните општински служби во Струга денеска спроведоа акција за отстранување на урбана опрема која била поставена без соодветно одобрение на јавна површина.
Од Општината посочуваат дека поставувањето на урбана опрема, рекламен материјал, инвентар и други елементи на јавни простори е дозволено исклучиво по добивање на потребните одобренија од локалната самоуправа.
Јавните површини се заедничко добро на сите граѓани и нивното уредно користење придонесува за поголема безбедност, функционалност и подобар изглед на градот. Со почитување на законските процедури, заеднички придонесуваме кон почиста, поуредна и поубава Струга, потенцираат од Општина Струга.
Воедно, нагласуваат дека ќе продолжат со редовни контроли и активности насочени кон заштита на јавниот интерес, како и кон зачувување и унапредување на јавните површини во градот.
OhridNews
