Отворен ден за програмата „Полетарче“ денес ќе се одржи од 12.30 до 14:30 ч. во просториите на Црвен крст Охрид. Програмата е наменета за деца на возраст од 3-5 години кои преку игра, забава и дружење ќе ја развиваат и јакнат самодовербата, ќе стекнуваат вештини важни за успешно извршување на училишните задачи преку креативни вежби за броење, помнење и концентрација, вежби за размислување, вежби на графомоторика, вежби на фина моторика, вежби за осознавање и разбирање на просторните и временските односи, вежби за говорот и речникот, јазична и математичка писменост, социо-емоционални вежби, вежби за насочување и одржување на вниманието и друго, информираат од Црвен крст Охрид.
Вежбите се приспособени на возраста на детето и преку нив детето станува свесно за своите способности, се поддржува да не се откажува при правењето грешки и да има храброст да биде креативно. Планирани се и најразлични теренски работилници на кои дечињата ќе го запознаат со многу корисни спортски содржини, со училишното опкружување и снаоѓање во сообраќајот и др, велат.
Сите заинтересирани можат да се информираат и пријават на телефоните 046 261909 или 072 246175, на е-маил: [email protected], или во просториите на Црвен крст Охрид.
Пролетниот циклус од програмата, иснформираат дека трае 3 месеци со изведување на вкупно 12 часови, по еден час седмично, во траење од 45 минути.
OhridNews
