По повод Денот на Европската територијална соработка, денес, во Центарот за култура „Григор Прличев“ се отвори фотографска изложба насловена “Ние припаѓаме овде- Животот , луѓето и природата во прекуграничната област “.
Изложбата е дел од активностите на Министерството за локална самоуправа, ИПА- програмата за преку гранична соработка со Грција и ЕУ во Република Македонија.
– Чест ни е што го одбравте Охрид за одржување на овој настан, бидејќи нашиот град е во првите во Република Македонија каде се промовира и имплементира транс граничната соработка, преку реализирањето на проектот за заштита на Охридското езеро. Во овој момент општина Охрид аплицира на неколку проекти од ИПА програмата: Њатер – нет промоција на водно богатство и изградба на инфраструктура поврзана со водата; БХФ- развој на алтернативни форми на туризам преку изградба на велосипедски и планински патеки; Промоција на религиозно наследство на Охрид со изработка на 3Д мапа на религиозни објекти и унапредување на вработување на младите со програма на обука”, истакна во своето обраќање градоначалникот Никола Бакрачески.
Пред присутните се обратија и министерот за Локална самоуправа,Тахир Хани, шефот на операцијата при делегацијата на ЕУ во Скопје, Мартин Клоќе и претставникот на Министерството за развој и конкурентност на Република Грција, Катерина Самоковли.
OhridNews
