Еден од најавтентичните настани во Охрид последните години, „Ој љубов, љубов“ – староградска пловидба со ВИС „Билјана” ќе се одржи и годинава по шести пат на празникот Петровден во рамки на Алтернативното културно лето што го организира Културолошка иницијатива 5 до 12.
Традиционално, во 17:30 часот е збирното место на сите пловни објекти, искучиво со веслање, е плажата Канео. Се плови до Старото пристаниште – Островче и во 18:30 часот настанот може да се посети и од копно. Дојдете и оваа година, во еден глас да ги испееме сите охридски и македонски песни и да останеме доследни на нашето, од традицијата подарено, велат организаторите.
Настанот, годините наназад предизвикува огромен интерес и е вистинско освежување во културната понуда на Охрид.
OhridNews
