Двајца полициски службеници кои работат во Полициската станица во Струга биле казнети со парична казна, бидејќи не послушале наредба од Помошник-командирот. Овие дисциплински постапки Министерството за внатрешни работи ги изрекло изминатата недела, во согласност со одредбите на член 206 и член 207 од Колективниот договор на МВР.
Освен на овие двајца полицајци, дисциплински мерки им биле изречени на уште 10 вработени во ова министерство. Седум од нив биле казнети парично, на двајца им била изречена казна ,,запирање на постапката“, а на еден полициски службеник поради сторени повреди во работењето му била изречена казнена мерка ,,отказ”.
OhridNews
