Советот на Општина Охрид на 56-та седница, вчера, ја усвои предлог одлуката за започнување на постапка за доделување на договор за давање под долготраен закуп на паркинг простори во општината.
Најмногу време советот посвети на разгледување на состојбата во врска со иницијативите на Владата за изградба на хотелски комплекс на потегот Љубаништа – Св. Наум и изградба на аеродром на вода на Охридското Езеро.
На седницата беше донесен заклучок во кој се вели: „Советот на Општина Охрид искажува загриженост поради одземањето на ингеренциите од страна на Собранието и Владата на Република Македонија , како и за нетранспарентноста во врска со иницијативата за изградба на хотелски комплекс на потегот Љубаништа – Св. Наум и изградба на аеродром на вода во Охридското Езеро. Советот на Општина Охрид ги поддржува сите инвестиции , особено во туризмот, но секогаш го има во предвид оддржливиот економски развој, зашитата на животната средина, Охридското Езеро и Охрид како светско културно наследство“ .
Советниците
На седницата беше разгледана информацијата за последните пожари во Охрид , при што беше донесен заклучок во рамките на можностите локалната самоупрва да им помогне на семејствата на опожарените куќи.
На седницта беа донесени и одлуки за разрешување и именување на нови членови на Управниот одбор во Детската градинка „ Јасна Ристеска“.
