Почитувајки ги слободарските традиции на македон- скиот народ и оддавајќи почит на македонските поборници за слобода и мир, како служба, неуморно ја продолжуваме нашата мисија за заштитата и унапредување на човековите права и слободи. Бескомпромисно се бориме со сите видови и форми на криминалитет преферирајки проактивен пристап и соработка со граѓаните, се наведува во честитката од СВР Охрид по повод Денот на мекедонското востание.
Честитки по повод празникот и од општинската НСДП .
– Со победата на фашизмот,нашата земја доби можност рамноправно да застане помеѓу слободните нации на Европа и светот .Чествувајќи го овај празник им одаваме почит на сите оние кои загинаа сакајќи нивните поколениа да живеат во слободна инезависна Република Македонија, велат од НСДП.
11 Oктомври го честиташе и ОО СДСМ Дебарца.
„Ако ги подредуваме најзначајните датуми во нашата историја, тогаш 11-ти октомври се наоѓа во самиот врв и е само потврда на желбата на македонскиот народ за сопствена држава.
На овој ден, пред 72 години, Македонците решија дека нема да дозволат повеќе никој да им ја одземе слободата. Прилеп и Куманово како градови херои ни дадоа сила на сите и ни пратија порака дека со скрстени раце слобода не се заработува. Од тој момент започна да станува реална идејата за слободна Македонија. Во тие тешки времиња, Македонците ја одбраа страната на слободата рамо до рамо заедно со сите народи кои храбро му застанаа на патот на фашизмот како најголема закана за човештвото.
Кога доаѓа овој ден треба да се потсетиме на плејадата македонски борци кои ни ја донесоа толку посакуваната слобода и држава. Борци кои ни овозможија нам денес да живееме слободно. А, слободата е нешто од кое ниту еден човек не сака да се откаже.
Оттука и големината на овој ден.
Должност и обврска, на сегашните и идните генерации е да ги чуваме и негуваме овие придобивки, слободно и рамноправно да одиме по патот на европските и евроатланските интеграции како врвен приоритет во развојот на македонската државност, а од општина Дебарца да направиме просперитетна општина.
Нека ни е честит денот на востанието!“ – стои во празничната честитка на ОО СДСМ – Дебарца.
OhridNews