Наместо горди просветни работници на својата професија, има пародија на образованието и животот на вработените во охридските основни и средни училишта кои сѐ уште не ја зеле октомвриската плата, велат од ОК ВМРО ДПМНЕ за случувањата во охридските училишта, каде се уште не се исплатени личните примања, поради настанатиот проблем со утврдување на основата за исплата на плата на училишните секретари, кои иако работат во просвета, според законот се државни службеници. Тие од пролетта со одлука на градскиот совет земаат плати како државни службеници, што беше причина надлежните министерства да покренат постапка, што резултира со блокада на исплатата на плати за 12 училишта во Охрид, што пак предизвика силни реакции во јавноста.

ОК ВМРО ДПМНЕ директно ги прозва локалната и централната власт на СДСМ дека не ги почитува правата на вработените во образованието и дека е загрозена нивната егзистенција, но и достоинство. Наставниците и професорите немаат друг извор за егзистенција, ВМРО-ДПМНЕ бара веднаш да се исплатат платите, вели партискиот портпарол Перчо Божиноски.

Дали за пратеничката Жаклина Лазаревска како просветен работник значи да се има посебно чувство за образованието е ваквиот срамен чин? Ова ли се тие европски вредности и принципи? Блокираната исплата е поврзана со одлуката за утврдување на вредноста на бодот за платите на административните службеници во образованието потпишана од градоначалникот Стојаноски април годинава. Пресметките за платата која треба да се врши според Колективните договори за средно и основно образование, а не Законот за државни службеници се спроведува скоро половина година. Кој ќе одговара за недоследностите околу пресметките за месечен надомест за админитративните службеници во образовните институции?

ОК ВМРО ДПМНЕ Охрид

На јавноста треба да и’ се каже вистинската причина, а при тоа да не се политизираат работите бидејќи во донесување на одлуката спротивна од Колективниот договор за основното и средното образование годинава на седница учествувале сите советници во Советот на општина Охрид меѓу кои и советниците на ВМРО ДПМНЕ, па сега не е коректно прстот за вина да се вперува само во СДСМ, возрвраќа владејачката СДСМ.

СДСМ уверува дека за оваа грешка најмалку се одговорни Министерството за образование и наука и пратеничката Жаклина Лазареска која од неодамна е претседател на парламентарната Комисија за образование, наука и спорт. ОК на ВМРО ДПМНЕ од Охрид премолчува дека и нивните советници гласале ЗА одлуката, што е факт и лесно може да се провери, а не МОН, Лазареска и градоначалникот на Охрид Јован Стојаноски да се повикуваат на одговорност за тоа. Во рамките на своите ингеренции СДСМ и надлежните потегнаа проверка на фактичката состојба за што побрзо да се лоцира и реши проблемот. Грешката е направена а штетата ја трпат сите вработени во основните и средните училишта во општина Охрид.

ОО СДСМ – Охрид

СДСМ апелира во иднина да се внимава и при донесување на одлуките да се почитуваат законите и Колективните договори кои се во сила и со кои се регулираат правата и должностите на вработените не само во образованието, туку и во сите други области, за ваквите состојби да станат минато.

OhridNews