Охриѓанецот Павел Стевковски на првото место на ранг листата ја заврши сезоната во развојната тениска лига во Македонија.
10-годишниот тенисер победи на еден од турнирите во развојната лига, три пати завршуваше на второто место, а останатите три учествуваше во 1/2 финалните пресметки.
Кај девојчињата охридското трио Мина Петреска, Матеа Билбилоска и Ива Кецкарова се наоѓа од втората до четвртата позиција. Прва кај девојчињата Мила Гугучевска од Битола.
Охридските тенисери ќе тренираат во затворен простор во зимскиот период и ќе ја темпираат формата за новата сезона следната година.
OhridNews
