Потпишани се договорите за реализација на инфраструктурни проекти со кои Општина Охрид аплицираше на вториот Јавен повик за финанасирање на инфраструктурни проекти, објавен од страна на Министерството за локална самоуправа.
Инвестициите во комуналниот развој се нашиот најважен приоритет и затоа продолжуваме со уште посилно темпо да реализираме низа проекти во интерес на граѓаните, вели градоначалникот Кирил Пецаков.
Воедно посочува дека стартува процесот на реализација на проекти за подобар Охрид и тоа изградба на катна гаража во Општина Охрид, реконструкција на линиски инфраструктурен објект кој ги поврзува село Велгошти со село Лескоец, реконструкција на дел од улица „Даме Груев“ од кружна крстосница улица „Јане Сандански“ со „Питу Гули“ до пресек со булевар „Туристичка“, реконструкција на линиски инфраструктурен објект на дел од улица „7ми Ноември од кружна крстосница „Охридска Банка“ до пресек со улица „Егејска“, реконструкција на линиски инфраструктурен објект населба „Бараки“, реконструкција на потег дел од улица Петрино до пресек со улица Караорман село Лескоец, проектот за употреба и одржување на урбан простор и парк на дел од „Кеј Македонија“, реконструкција на линиски инфраструктурен објект локален пат за село Завој, реконструкција на линиски инфраструктурен објект улица во село Долно Лакочереј крак 2, проект за линиски инфраструктурен објект локален пат од село Лескоец до село Долно Лакочереј, реконструкција на линиски инфраструктурен објект за постоечки локален пат од камо Љубаништа до главен пат, реконструкција на линиски инфраструктурен објект за дел од улица Кленоец и дел од улица Петрино, како и реконструкција на линиски инфраструктурен објект на дел од улица „Партизанска“ – населба Охридати.
Инаку, во Владата денес беа потпишани договорите со општините кои аплицираа и беа избрани на вториот повик за финансирање на инфраструктурни проекти. Потпишани беа договори за вкупно 828 проекти на ниво на држава, во вкупна вредност од 13 милијарди и 868 милиони денари, или приближно 225 милиони евра.
OhridNews
