Дваесет и четири годишниот Петар Чакарески го извади светиот крст од водите на реката Црн Дрим во Струга. Тој беше најсреќен меѓу стотиците верниции кои денеска влегоа во студените речни води во Струга.
Чакарески кој прв пат го фаќа светиот крст очекува здравје, среќа, љубов.
Осветувањето на водите прв пат годинава го вршеше новиот митрополит на Дебарско-кичевската епархија г. Георги. Митрополитот г. Георгиј порача дека „денес кога со Божјата благодат и со силата на светиот и животворен крст се осветуваат водите, се потсетуваме, како што рече, дека и целиот свет е повикан кон осветуваење преку крстот“.
На одбележувањето на големиот христијанскиот празник Богојавление – Водици во Струга присуствуваше претседателката на државата Гордана Сиљаноска Давкова.
Ова е нешто што не прави посилни, не прави подобри луѓе, не прави подобри верници, бидејќи ова е моментот кога Бог се јавил и тоа во сите свои три лика. Честитки за победникот, но и за сите, и оние кои се натпреваруваа, и оние кои го следа како мене. Гледате колку е силна вербата. Гледам одовде до другиот мост скокаат луѓето. Се разбира не е можно секој однив да го фати крстот, ама можно е да влезе во осветените води и да биде среќен. Мислам дека ова е нешто што не прави посилни, не прави подобри луѓе, не прави подобри верници, бидејќи ова е моментот кога Бог се јавил и тоа во сите свои три лика, изјави Сиљановска-Давкова.
Чинот на осветување меѓу големиот број верници го следеа и градоначалникот на општина Струга Менди Ќура, министри, пратеници….
Чествувањето на големиот христијански празник Богојавление – Водици во Струга почна утрово во 7 часот и 30 минути со богослужба во соборниот храм „Свети Ѓорѓи“, од каде тргна литијата кон Чаршискиот мост каде што беше извршен и чинот на осветување на водите во реката Црн Дрим.
OhridNews
