Атанаско Михаилов повторно се појави во јавноста и повторно на партиска прес – конференција во време кога треба да ги врши своите работни обврски, најверојатно со цел да собере некој процент повеќе во внатрепартиските анкети за кандидат за градоначалник на кои стои катастрофално, се наведува во испратената реакција од кабинетот на градоначалникот во врска со оддржаната прес- конференција на претседателот на општинската ВМРО- ДПМНЕ.
– Градоначалникот Александар Петрески во своите досегашни два мандати инвестираше во водоводот и колекторот колку што сите градоначалници на ВМРО – ДПМНЕ заедно немаат инвестирано. И не е само водоводот. Тука е патната инфраструктура, потоа кровот на охридската гимназија, но и реновирањето на повеќето училишта во Охрид, спортската сала во Пештани и уште многу други капитални инвестиции. Наместо да ја залажуваат јавноста со лажни станоиздавачи и партиски војници во својство на независни граѓани, нека протестираат пред Владата на Република Македонија каде што ќе побараат зголемување на стандардот на животот, стои во реакцијата.
OhridNews
