Во рамките на утврдената агенда за планираните предизборни активности вчера во попладневните часови кандидатот за градоначалник Александар Петрески и кандидатите за советници од редовите на СДСМ Охрид ги посетија и остварија предизборни средби со жителите од Трпејца, Пештани, Елшани и Коњско. Во директен, отворен и непосреден разговор со присутните беа презентирани приоритетите од изборната програма на СДСМ за претстојните локални избори, а се дискутираше и за сите отворени прашања и проблеми на жителите од овие 4 рурални заедници од охридската општина, како и за актуелните случувања на политичката, економската и општествената сцена во општината и во државата.
Во рамките на утврдената агенда за планираните предизборни активности, денес кандидатот за градоначалник Александар Петрески планирано е да оствари повеќе средби и гостувања од протоколарен и промотивен карактер низ Охрид.
Утре,(петок), покрај одржувањето на редовната прес конференција во СДСМ Охрид во 11:00 часот, со почеток во 20:00 часот во населбата Рача ОИШ на СДСМ Охрид ќе одржи предизборен митинг, на кој ќе бидат претставени кандидатот за
градоначалник и кандидатите за советници од советничката листа на СДСМ Охрид.. На присутните ќе им се обрати Александар Петрески, кандидат за градоначалник. На оваа јавна трибина во Рача пред жителите ќе бидат изложени
основните одредби и цели од изборната програма на СДСМ за претстојните локални избори.
