На Вардар на патека кај Неготина се одржа третото и последното коло од Првата македонска лига во риболов во дисциплината лов риба со јадица на пливка.
Државен првак на Македонија во екипна конкуренција за 2010 година е екипата на СРК „Пец Пец“ од Прилеп, среброто го освои екипата на ЗСР „Вардар“ од Скопје, а бронзата и припадна на екипата ЗСР „Бабуна“ од Велес.
Државни прваци – Пец Пец
Во поединечна конкуренција државен првак на Македонија за 2010 година е Сашо Цветкоски, натпреварувач на СРК „Пец Пец“ од Прилеп, вицешампион е Благоја Цветкоски натпреварувач на ЗСР „Вардар“ од Скопје а со бронзен медал се закити Тони Петрески натпреварувач на СРК „Пец Пец“ од Прилеп.
Во пресрет на последното трето коло убедливо водеше екипата на Вардар од Скопје со две освоени први места во првото и второто коло кои се одржаа на Тиквешко Езеро. Во третото коло сите натпреварувачи на Вардар потфрлија со што се најдоа на последното место, а екипата на Пец Пец од Прилеп ги претекна и со освеното првото место , прилепчани ги освоија двете титули.
М.П.
