Во тек се завршните подготовки за петтиот меѓународен фестивал „ Разиграно оро- 2011“ кој ќе се одржи во Охрид од 1- ви до 5- ти јули. Од Организациониот одбор на фестивалот, кој е поддржан од Општина Охрид, информираат дека годинава ќе има рекорден број учесници со што  „ разиграно оро“ станува една од најзначајните фолклорни манифестации на Балканот.


Фестивалот „ Разиграно оро“ на кој  ќе настапат 60  ансамбли од 16 земји со околу 2. 500 учесници, свечено ќе биде отворен на 2-ри  јули на сцената на Античкиот театар со почеток во 20 часот. Концертите ќе се одржуваат на летната сцена на Градскиот плоштад.

Организаторите најавуваат дека во деновите на одржувањето на фестивалот Охрид ќе блеска од шареноликите носии ,песните и игрите на фолклористите. Покрај за охриѓани , фестивалот ќе биде атракција и за бројните, пред се странски туристи.

OhridNews