Пилиповиќ пред натпреварот со Еурофарм Пелистер: Ќе дадеме се од себе да создадеме шанса за понатаму

Ракометарите на Охрид во рамки на Ф4 турнирот од Купот на Македонија во петок играат со екипата на Еурофарм Пелистер.

Се радуваме на овој турнир, ова е наша прва прилика за освојување трофеј. Ривалите ни се на врвно ниво, а полуфинале против екипа од Лигата на шампиони претставува голем предизвик. Ќе дадеме се од себе да создадеме шанса за да продолжиме понатаму и да ја искористиме, изјави голманот на ГРК Охрид Кристијан Пилиповиќ.

Натпреварот се игра во салата „Парк“ во Струмица со почеток во 17 часот.

Полуфиналниот натпревар помеѓу екипите на РК Алкалоид и РК Вардар се игра во сабота од 20 часот, додека финалниот натпревар ќе биде одигран на 19 април, недела, со почеток во 19 часот.

OhridNews