ВМРО ДПМНЕ e безидејно, очајно и компромитирано и во недостаток на сопствена програма и идеи, се служи со лаги и манипулации со кои го обвинуваат ЈКП Дебрца и градоначалникот Зоран Ногачески за нетранспарентно работење. Oва е реакција на ЈПК Дебрца на денеска изнесениот партиски став на ОК ВМРО ДПМНЕ, дека и покрај одлуката за зголемување на цената на водата за 20%, во првиот квартал посоченото јавно претпријатие за 2019 година има направено загуба во износ од 377.855,00 денари.
Граѓаните многу добро знаат и ги чувствуваат позитивните промени и придобивки од домаќинското работење на Општината и ЈКП Дебрца, преку подобрената комунална услуга, мобилност на терен, завршени и планирани проекти како и набавка на механизација во вредност од преку 200.000 евра, за која не е потрошен ни денар од Буџетот на општина Дебрца. Граѓаните исто така, сеуште не заборавиле колку нетранспарентно и нечесно се работеше под раководството на ВМРО ДПМНЕ. – се вели во реакцијата на ЈПК Дебрца.
ОК ВМРО ДПМНЕ Дебрца најдобро нека работи на својата сопствена понуда за следните локални избори, инаку уште долго ќе остане во опозиција па ќе мора лажно да напаѓа и обвинува, стои во соопштението на ЈПК Дебрца.
OhridNews
