Научниците предупредуваат дека глобалното затоплување предизвикува сè посурови бури и суши и дека светот треба да се подготви за незапаметена навала на смртоносни и скапи природни катастрофи, пренесува „Макфакс“.
Во извештајот на Меѓународниот панел за климатските промени, инаку добитник на Нобелова награда, се наведува дека најголема опасност се заканува на густо населените, сиромашни региони на светот, но и дека ниту една област нема да биде поштедена.
Научниците предвидуваат посилни тропски циклони и чести топлотни бранови, поплави и суши.
Причина за тие непогоди е комбинацијата на климатски промени предизвикани од човекот, поместувањето на населението и сиромаштијата, се наведува во извештајот на 594 страници објавен во среда во Вашингтон.
Некои места, посебно делови на Мумбаи во Индија, заради поплавите, бурите и растот на нивото на морето, би можеле да станат непогодни за живот, предупредуваат експертите.
Други можно загрозени градови за кои сепак постои помал ризик се Мајами, Шангај, Бангкок, Гуангџу, Хо Ши Мин и Калкута.
OhridNews
