Спортско – рекреативниот планински велосипедски маратон Шарски води, кој претставува етапа од Проектот Планинска велосипедска трка низ Македонија Сончев Круг,  потврди дека е најголемата спортско рекреативна манифестација во велосипедизмот во Македонија. На падините на Шар планина, се собраа над 300 велосипедисти во планински велосипедизам од целата држава.


Планинскиот велосипедски маратон Шарски Води 2009, стартуваше од кај Планинарскиот дом Смреки, а целта беше кај детското одмаралиште Бунец, кај Мавровско езеро. Вкупната должина од 92 км., во машка конкуренција прв ја мина Горан Стефановски, а зад него беа Александар Сиљановски и Димитри Димитров, а во женска конкуренција прва беше Челана Димитриевиќ, втора на целта пристигна Елизабета Пољоска, а трета Биљана Митроска.  Маратонот помина во најдобар ред со мали технички проблеми на велосипедистите, кои беа разрешувани на  самата патека и сите пристигнаа на целта. 

Организаторот од иницијативниот одбор на Сончев Круг, најавува дека следната година на патеката Шарски Води ќе возат и учесници од странство, а исто така најавуваат и дека на 28 јуни годинава, на Галичица ќе се вози вториот планински рекреативен велосипедски маратон Галичица 2009.

ohridnews