29 пливачи се појавија на денешниот технички состанок во пресрет на утрешното издание на Охридскиот пливачки маратон. Светската пливачка елита е дојдена во Охрид, а сите го искажаа своето задоволство што се дел од најголемата спортска манифестација во Македонија.
– Посебно ми е драго што ве гледам во олку голем број. За мене е огромно задоволство што сум во Охрид и ви посакувам се најдобро. Ве молам да бидете внимателни за време на трката за да нема дисквалификации – им порача Жан Пол Нарс, делегатот од ФИНА.
Пливачите беа запознати со рутата, и со безбедносните мерки кои се превземени за што подобра организација.
Стартот на маратонот е во 12 часот во Св. Наум, додека првите пливачи се очекува да пристигнат после 17 часот.
М.П.
