По извршената ждрепка во Каракас за квалификацискиот турнир за Олимписките Игри, покрај анголците, задоволни се и во селекцијата на Нов Зеланд. Пред се тие се задоволни што ги избегнале Русија, Литванија и Грција од првиот шешир и Порторико од вториот, и добиле според нив изедначена група.

– „На прв поглед дефинитивно можам да кажам дека имаме одлична група на турнирот во Венецуела. Мал проблем е што знаеме малку за европските екипи, освен дека Македонија беше најпријатното изненадување на ланското ЕП во Литванија. Можеби и го извлековме најсилниот противник од другиот дел на светот бидејќи Ангола е искусна и крајно незгодна. Но тоа се селекции што може да се победат, нормално, ако одиграме најдобро што знаеме“, изјави Ненад Вучиниќ, српскиот стратег на клупата на Нов Зеланд, за интернет-страницата на ФИБА.

Оптимизмот “Tall Blakcs”  го темелат на континиураното учество на големите натпреварувања и тоа што во последните три години успеале да триумфираат над неколку европски селекции во пријателски средби и тоа Русија, Словенија Франција, Хрватска.

Македонија и Нов Зеланд еднаш ги одмериле силите и тогаш “црвено-жолтите“ минимално победија.

Распоред на натпреварите во Д групата:
2 јули Македонија – Ангола
3 јули Македонија – Нов Зеланд

4 јули Нов Зеланд – Ангола

М.П.