По летниот распуст учениците од денес во училишните клупи. Започна учебната 2026-2027 година за основците и средношколците. Во Охрид во оваа учебна година се запишани во основните училишта над 460 првачиња, а во средните околу 550 средношколци. Од локалната посочија дека сите основни и средни училишта се подготвени за почетокот на учебната година, а доставени се и учебниците.
На ниво на држава учебната година според податоците на Министерството за образование и наука ја почнуваат 238 илјади ученици, од кои 174 илјади основци и 64 илјади средношколци. За прв пат во училишните клупи ќе седнат 14 952 првачиња. Како што вчера информираше министерката Весна Јаневска ќе бидат ангажирани 1358 образовни асистенти во основното и 166 во средното образование. Воедно посочи дека трендот на намалување на бројот на ученици продолжува.
Наставата ќе трае до 10 јуни 2027 година, освен за матурантите за кои ќе заврши на 17 мај. Зимскиот распуст помеѓу двете полугодија ќе биде од 31 декември до 21 јануари.
Н.С.Ј.
