Струга деновиве е домаќин на Летниот камп на тема “Победи го незнаењето- запознај ги другите” На летниот камп учествуаат 40 средношколци од неколку градови од земјава, меѓу кои: Скопје, Кичево, Куманово, Дебар, Охрид и Струга. Во рамки на работилниците ќе се обработуваат различни теми како што се улична уметност, фотографија, филм и модерен балет.
Денес, во рамки на кампот, во центарот на Струга, со почеток во 19 часот и 30 минути ќе се одржи мултимедијален настан – концерт на кој ќе бидат презентирани резултатите и производите од активностите на летниот капм. На настанот е предвидено да се обрати и Градоначалникот на општина Струга, како и Директорот на Информативната канцеларија на Советот на Европа во Скопје, Ѓорѓи Јовановски.
Летниот камп е во организација на Невладината организација- Центар за менаџмент на конфликти, под покровителство на Советот на Европа, а е подржан од Форум ЗФД.
OhridNews
